Tilstades

Tid

Eg trur at den største gåva du kan gi deg sjølv, er tid.

Tid til å vere  t i l s t a d e s

Tid som gir ladande pauser. Tid til å observere og sortere sinnet. Tid til å kjenne på takksamheit.

Yoga har lært meg kor tida kan stå stille når sinnet roar seg og energien balanserast. 

Songen har lært meg at det einaste som kan gi musikalsk fridom, er tid investert i mitt instrument.

Min son har lært meg at det å ha god tid til å verkeleg sjå han og høyre det han seier, er det som ligg mitt morsinstinkt nærast.

Min mann har lært meg den store verdien av å fordjupe seg i kjærleik over lang tid.

For augeblikket sit eg ved kjøkenbordet, med dagens andre kopp kaffi. Berre lyden av vaskemaskina og svigerfar som ét eple kan høyrast. Eg skal snart av garde og undervise yoga for kvinner med to bankande hjarter i seg. Men fyrst skal eg berre site her og sjå blada på treda gulne littegranne meir i haustsola.

<3

IMG_magi1IMG_magi3IMG_magi4

Oktober og Konsertblomar

O k t o b e r  starta med ein solfylt haustdag og tur til min favorittstad på Nesodden – Kråkesølvgruvene på Spro (neste gong vert kameraet med). Ein dag med senka skuldrar, godkjensle og lading.

Den siste dagen i september var fylt av heile 2 konsertar med mitt favorittrepertoar – Griegs musikk. Ein nøye planlagd konsert blant rekker med bokreolar, i eit velkomande og koseleg hus fylt av litteratur, og i beste «hoppinnmedeindagsvarsel» stil i eit bygg fylt til randen av historie og kjensler – Villa Grande på Bygdøy, Quisling sin bustad under krigen, no Holocaustmuseum. Det er so fint, kor musikk og lyrikk kan leve, bli komplimentert og satt i kontekst av omgjevnadane, og vibrere og leve på sin unike måte kvar gong det vert opplevd eller uttrykt.

Eg mottok den beste sorten blomar etter den fyrste konserten – Konsertblomar. Dei står der dagesvis etter ein opptreden og på ein måte takkar meg for innsatsen, og inspirerer meg til det neste oppdraget.

I oktober ser eg fram til fleire solfylte dagar i naturen, massevis av yoga, eit betydningsfullt veldedigheitsoppdrag og musikkmeditasjon i den staselege Trefoldighetskirken. Eg ser fram til å lese vidare i bunken romanar eg har anskaffa meg, feire tjue år som kjæraster med mannen min og sjå lauva falle på bakken med min son som er berre 2 mnd unna å feire sin 4. bursdag.

Mitt mantra for tida er Takk Takk Takk <3

IMG_påfuglIMG_hårklemmeIMG_konsertblomar

Den Fine Kvardagen

I skrivande stund sit eg på ein båt i solskin, dette er min reiseveg til yogaundervisning i dag, der skal eg undervise kvinner med to bankande hjarter i seg. Eg kjem frå eit inspirerande møte med ei veninde og yogakollega. Før dette leita eg fram att Jake Heggie sitt verk «The deepest desire» som eg skal synge under Musikkmeditasjon i Trefoldighetskirken nest siste kvelden i oktober. Før det igjen følgde eg ein strålande blid sjørøverskatt til barnehagen, spiste ein lang frukost, sov, og det siste som skjedde i går kveld var ein tur under stjernene og den halve månen saman med ei anna god veninde som eg hadde tilbrakt dei forutgåande timane med, saman med raudvinen og den gode samtalen.

Min 35. September er her og eg har so mykje fint i kvardagen. Takk Takk Takk.

Nye konsertdatoar og meir yogaundervisning ligg under songkalender og yogakalender. 

Venlegheit -K

IMG_3773

Min Veslestore Guru

Min son er ein meister på  t i l s t a d e v æ r e l s e . Han kan leike med dyrefigurar og ei songregle i timesvis. Han lés meg og seier ofte akkurat det eg tenkjer. Han beveger seg med nysgjerrigheit og leikenheit.

Han har, sidan eg fekk vite at han var i magen min, vore ei einaste stor inspirasjonskjelde og skrudd opp mi evne til å leve i nuet og vere i kontakt med min intuisjon mange hakk.

Han er min veslestore guru.

Namasté, eg ser lys i meg, Namasté, eg ser lys i deg.

Familie- og borneyoga kvar fyrste laurdag i mnd på Flyt.

<3 <3 <3

IMG_3479IMG_3489IMG_3499

Processed with VSCO with b5 preset

Processed with VSCO with b5 preset

IMG_3538

1. August

Eg kjenner det i heile meg. Boblinga.

Denne sumaren har vore insisterande varm og tørr. Og fantastisk! All varmen har til tider skapa litt overoppheiting på so mange måtar. Det å finne ro, avkjøling, aksept for at ting tek tid og at ikkje alt kan skje på ein gong, det å omfavne yin yogapraksisen, alt dette har vore uunnværleg.

Det boblar av energi i meg, idear på idear, og helst vil eg gjere alt saman, no, på ein gong. Utvilsamt regjerer den ayurvediske Pitta doshaen både omgjevnadane og meg sjølv.

I dag, 1.august set eg meg ein intensjon om å finne balanse. Omfavne denne boblande energien, men sørge for at eg kan lande og finne rammer og rutiner som gjer at eg faktisk kan få utført alt eg dagdrøymer om.

Utover hausten ser eg fram til:

  • Fleire faste yogaklasser på Flyt studio og å kome tilbake til hausttimeplanen på Leela.
  • Faste gravid- og barselyogakurs på MamaYoga.
  • Vidareføring av gullforgylte musikalske samarbeid.
  • Å halde spanande yogaworkshopar samt ei fordjupning i familie- og barneyoga.
  • Å endeleg få spelt inn mi fyrste plate.
  • Store og vakre endringar i hus og heim <3

Takk sumaren 2018, for alt du har bode på so longt.

IMG_3587IMG_3710IMG_3731

 

Sumarsolverv, Grieg, Takksam & Audmjuk

Eg har  l a n d a  heime.

Nesoddens jordande energi i kontrast til det luftige Sunnmøre har satt seg i meg og eg er full av beundring for den vakre og gripande opplevinga, som operaen Kimen var!

Om 2 kveldar, på sjølvaste sumarsolvervkvelden, syng eg konsert i Skoklefall Kirke. Ein konsert utelukkande beståande av Edvard Grieg sin musikk, og ikkje minst framfører me Haugtussa.

Dagane rundt sumarsolverv – den lengste dagen i året – er fra gamalt av ansett å vere den mest magiske tida på året. Lys og liv i overflod.
Men sjølv om midtsumar er ein dag for feiring av lyst og latter, er det og ein dag for refleksjon, og stillheit, og ei oppfordring frå moder jord til å ta seg tid til å stoppe og lytte.
Frå no av vil kvar dag bli kortare, til natt igjen er lengre enn dag, og sumarsolverv er ein dag der me stoppar og anerkjenner korleis våre liv, så vel som året, går gjennom ein syklus og korleis me ved å gi slepp i større grad kan vere tilstades i våre eigne liv – og vere tilfreds og stolte av – der vi til ei kvar tid er, i vår syklus av livet.

Eg tek med meg mykje frå desse vekene på Sunnmøre. Mange gav mykje av seg sjølv i denne ambisiøse operaproduksjonen og vart styrka av å skjøne kva man eigentleg kan få til! Komponist Magnar seier at han går ut i verda med takksamheit og audmjukheit i hjartet, i den tru at ting då vil legge seg til rette – og det gjorde dei, verkeleg!

Me sjåast kanskje i Skoklefall Kirke? Eg kjem til å vere ho som står der med hjartet på vidt gap og syng av full hals, sannsynlegvis ikkje perfekt, men full av takksamheit og audmjukheit, i den tru at ting då vil legge seg til rette. <3

21. Juni Sumarkonsert med musikk av Grieg
Skoklefall Kirke, Nesodden

IMG_7423IMG_7418

Kimen

I morgon er det  v e r d s p r e m i e r e  for operaen Kimen.

I snart 3 veker har eg pusta og levd her mellom sunnmørsalpane, her eg vaks opp. Eg har veksla mellom å vere på operaprøver, gått i fjellet, nytt eit usedvanleg vakkert sommarvér og sett godguten fylle 3,5 år omgitt av sine kjære besteforeldre, som han er so glad i.

Min favorittkomponist, Magnar Åm, har skrive ein kompleks, vakker og dramatisk opera, bygd på romanen Kimen av Tarjei Vesaas. Romanen vart skriven i 1940, etter krigsutbrotet, og representerer eit viktig vendepunkt i Tarjei Vesaas si dikting. Det metaforiske fekk større plass, språket vart meir nedstrippa og nake, det usagde vart meir framtredande, og eit mørkt djup kom meir til syne.

Romanen forutsåg det opprivande rettsoppgjeret og det folkelege, utanomrettslege oppgjeret som skulle utspele seg etter at krigen var slutt. Dette gjorde den ved å tematisere ein allmennmenneskeleg eigenskap: vår hang til hemn når me har opplevd urett, og vår fare for sjølve å gjere urett når hemntanken blir til hemnhandling, massesuggesjon og lynsjing.

56A236A8-F1F9-46FA-A6EF-C9DFF2E91B91
Handlinga tematiserer også forholdet mellom menneske og natur. At mennesket ER natur, og at naturen er både grusom og god. Men at der kan ligge noko forløysande i innsikta om dette og i nærleiken til vokstrane, samværet med dyra, arbeidet med jorda, og døgnrytmen av mørke og lys.

Eg gler meg vilt til å gjere rolla som Else <3

Dei Nynorske Festspela Propellhallen Kulturarena, Volda.
8/6 kl 18.00, 9/6 kl 13:30 og 18.00